Монгол орны нутагт хаа сайгүй игүүшин гэх ургамлын ач тус, эрдэм чадлыг тэр болгон хүн мэддэггүй. Эмийн ургамлын ном сударт цөс хөөх, халуун бууруулах, ходоодны шарх зэрэгт ууж хэрэглэнэ гэж тэмдэглэсэн байдаг. Бидний багад эмээ маань үхэрт гэдсээ цоо мөргүүлсэн үнээгээ игүүшинг буцалгасан халуун усанд хандлан дэвтээж навчаар нь гаднаас нь шавшиж түүгээр нь боож хандыг нь уулган эдгээж байсныг санадаг юм.
Хэдэн жилийн өмнө хатиг гарч элдэв эм тан тариа мариа цус солиулах ч гэх шиг элдэв юм болоод эдгэрдэггүй аргаа бараад байтал нутгийн өвгөн таарч учир зовлонгоо ярьтал чи игүүшин мэдэхгүй гэж зэмлээд уух аргыг нь зааж өгсний нь уухад хоёр гуравхан хоноод л ор мөргүй эдгэсэн юм.
Эх сурвалж: Galuut.com
